تشــــــاينيز فووود

الدجاج بالصوص تشــــــاينيز فووود Attachment

المقادير

:

كرتون أو كرتونين صدور دجاج على حسب كميه الدجاج اللى تبينها ..
بصله مفرومه
ثوم مفروم
1 ملعقه بصل أخضر مقطع صغير
جزر مقطع بشكل طويل
فلفل بارد ألوان ( أحمر .. أخضر.. أصفر ) مقطع بشكل طويل
كرنب ( ملفوف ) مقطع بشكل طويل
2 ملاعق نشا
ملعقه كاتشب
ملعقه صويا صوص
ملعقه خل أبيض أو أسود .. حسب المتوفر
مكعبين ماجي
بهارات (فلفل أحمر أوأسود مطحون .. كمون .. كركم .. كزبره ) << إذا حابه يكون سبايسي حطي فلفل أحمر كثـــير
2 كاس مويه
بيض
دقيق
فطر معلب مقطع شرائح
كوسه مقطعه بالشكل اللى تحبين
زيت زيتون للتحمير

الطريقه

:

نقطع
الدجاج مربعات صغيره ونتبلها بــ البهارات بعدها نغمس الدجاج بالبيض
وبعدها في نحطها في الدقيق ( أنا حتى مع الدقيق حطيت فلفل أحمر يطلع
حاااار )

بعدها نقليها في الزيت الحار ونتركها لحد ما لونها يسير ذهبي ..

أتركيها شويه..

وتعالي للصوص ..

بنحتاج ..
البصل .. الثوم ..البصل الأخضر..الجزر .. الفلفل البارد الملون.. الفطر .. الملفوف ..الكوسه

نشوحها كلها في زيت الزيتون لحد ما لونها يتغير
بس لازم ..

نبـدأبالترتيب.. بالبصل بعده الثوم بعدهم البصل الأخضر والكوسه والجزر وأخيراً الفلفل البارد والفطر

نخلط ألحين النشا ونذوبه في 2 كاس

نضيف له الكاتشب و الخل والصويا صوص .. ونخلطهم زين ونصبهم على خليط البصل اللي على النار ونضيف الماجي
ونحركهم لين مايثقل الخليط

.. إذا حسيتوا إن الخليط ثقيل مره أضيفي شويه مويه ..

بعدها أضيفي قطع الدجاج وحركيها لحد ما تنخلط كل المكونات مع بعض
خليها تقريباً عشر دقايق على نار هادئه ..

إنتهينا منه وهذي صوره الطبق ..

.. لكِ الخيار تقدمينه مع الرز الصيني أو المكرونه الصينيه ..

وهذي مقادير وطريقه الرز الصيني ..

الرز الصيني تشــــــاينيز فووود Attachment

المقادير

:

بصل
بازيلا
جزر .. مقطع بشكل طويل مايل
فاصوليا مقطعه .. مثل الحلقات بس على مايل رقيقه ..
رز مصفى مغسل ( حسب الكميه اللتي تكفي )
2 ملعقه بصل أخضر
ملح أجينا موتي .. إذا ماعندك مو لازم حطي ملح عادي
زيت نحمر فيه البصل

تشــــــاينيز فووود Attachment

الطريقه

:

نسلق الرز مع الملح وشوي زيت علشان مايتلصق ..
نحط البصل بالزيت..
ونضيف
لهم الفاصوليا والفلفل الأخضر والجزر والبازيلا المقطعه والبصل الأخضر
نقلبهم لين ماتستوي( لين ماتستوي الفاصوليا لأنها قاسيه شوي ) وبعدها نحط
معاهم الرز المسلوق ونخلطهم مع بعض وتقدم في الصحن بالطريقه اللي تحبين ..

وهذ صورته ..

او تقدمين المكرونهـ بدال الرز

المكرونه

المقادير

:

مكرونه صينيه أي نوع تحبين

ملفوف مقطع طوال

جزر مقطع طوال

زيت

ملح

الطريقه

:

طريقتها مره سهلهـ

حطي مويه على النار لين تغلي بعدها حطي المكرونه وأضيفي الزيت علشان ماتتلزق والملح << لاتخلونها تطول علشان ماتسير مرره لينه

حطي الجزر والملفوف مع شوي زيت على النار العاليه تتحمر بشكل خفيف ونخلطها مع المكرونه ..

وهذي صورتها ..

وبالهنا والعافيه