الى محترفى الحساب .. يعنى القسمه والطرح والضرب

الفزوره دى بقالى كتير مش عارف احلها



تلاته ماشيين فى الشارع لقوا محل اجهزة كهربائيه عجبهم كاسيت دخلوا سالو على تمنه قالهم الولد اللى داخل المحل تمنه 30 جنيه



كل واحد من التلاته طلع 10 جنيه واشتروا الكاسيت وخرجوا



لما وصل صاحب المحل سال الولد فين الكاسيت قال له الولد بيعته



فساله عن التمن اللى باع به الكاسيت قال له الولد ب 30 جنيه



فرد عليه الراجل وقاله له حرام عليك تمن الكاسيت 25 جنيه بس خد ال5 جنيه وردهم اليهم



خد الولد ال 5 جنيه وهو ماشى فى الطريق احتار يرجع لكل واحد حقه ازاى وكيف
يقسم الخمسه جنيه ازاى بعد تفكير قرر ان ياخذ هو 2 جنيه ويرجع لكل واحد
جنيه



معايا ؟



لو كل واحد خد جنيه يبقى كل واحد دفع تسعه صح



ممكن نحسب 9 فى تلاته بيساوى 27



والولد خد 2 جنيه يبقى المجموع 29



حد يقوللى فين الجنيه مستنى الرد

و الله اللغز ده محيرني من زمن ...

نفسي أعرف حللللللللللللللللللللللللللللللللللللللله

الولد
أعاد للأشخاص الثلاثة 3 جنيه .صح
وأخذ 2 جنيه ,
وثمن الكاسيت 25 جنيه
إذا: 3 + 2 +25 = 30
الأشخاص الثلاثة دفعوا 27 جنيه ,صح
و هذه 27 جنيه = 25 (ثمن الكاسيت) + 2 (الذي أخذها الولد)
اما 3 جنيه فهم أخذوها ولم يدفعوها
إذا:
27 (دفعوها) + 3 (أخذوها) =30

صح
ايه الحلاوه دي
ده انت عبقرينو بجد